最近黎到阿爺八鮮鍋, 一定要介紹💕 呢度係食完雞煲後打邊爐~ 第一道上菜既係精選燉湯~~之後就係時令拼盤刺身，有三文魚、油甘魚、活蝦同螺，非常新鮮！另外，亦有醉蝦食，蝦肉彈牙又滋味❤️
接著就係雞煲，我地揀咗少辣，雞肉份量適中，食落嫩滑，愈食愈惹味😍 而且唔會太咸太油膩！
食完雞煲後,就打邊爐, 呢度係另外換個鍋比你, 唔需要用雞煲個鍋打邊爐, 好貼心💗
叫左個海鮮拼盤，份量多得驚人，每2個人就有: 龍蝦仔一隻、花蟹一隻、鮑魚兩隻、帶子兩隻同活蝦兩隻,全部都新鮮!! 最中意花蟹, 好多膏, 而且仲識郁, 好生猛, 龍蝦仔就多肉, 又彈牙. 鮑魚都唔錯, 好有咬口😊😊
食完海鮮, 可以任叫配料~ 咩都有, 肥牛、菜、丸等，連鮑魚、花蟹都可以任叫。(太正了吧!!!)🥰
埋單每人$400 都唔洗, 真心抵, 聽講呢度仲有私房菜, 有機會都會再食👍
Search